Á döfinni

Opið Snjóflóðafræðslukvöld 8. janúar (1/8/2026)
Snjóflóðasamtök Íslands og Félag Fjallaleiðsögumanna á Íslandi bjóða upp á frábæra dagskrá í Tónabíó, kl. 19:30 þann 8.janúar.
Dagskrá kvöldsins lítur svona út:
    1. Fulltrúar stjórnar SNÍS kynna starfið og dagskrá vetrarins, þar á meðal landshlutaviðburði á skíðasvæðum landsins.
    2. Fjallaleiðsögumaðurinn Jón Heiðar Andrésson ræðir undirbúning og ákvarðanatöku í snjóflóðaumhverfi.
    3. Frá Veðurstofunni mæta Haukur Hauksson og Óliver Hilmarsson kynna nýjan vef Veðurstofunnar, snjóflóðaspár og nýjar snjóflóðasíður.
    4. Skíðabíó frá Noregi með snjóflóðaívafi í boði RAB.
    5. Loks Happdrætti með mögnuðum vinningum!
Í hléum verða kynningarbásar með búnaði og námskeiðum en hægt verður að skrá sig á snjóflóðanámskeið fyrir veturinn.
Sjáumst á fimmtudaginn!

 

Snow 2025 – Alþjóðleg ráðstefna um ofanflóðavarnir (9/8/2025)

Snow 2025 er alþjóðleg ráðstefna um ofanflóðavarnir sem verður haldin á Ísafirði þann 30. september til 3. október. Upplýsingar og skráning  á https://snow2025.is/

Dagskrá Snjóflóðaráðstefnunnar, 10. okt (10/9/2024)

Snjóflóðasamtök Íslands

Á Íslandi glímir ótrúlega fjölbreyttur hópur við snjóflóð. M.a. arkitektar og verkfræðingar í sambandi við mannvirkjagerð, hættumatssérfræðingar og starfsfólk sveitafélaga við skipulagsgerð. Sérfræðingar á snjóflóðavakt, snjóathugunarmenn, starfsfólk almannavarna og lögreglu. Leiðsögumenn í vetrarferðum hvort sem það er á skíðum, vélsleðum, þyrlum, snjótroðurum eða tveimur jafnfljótum. Starfsfólk skíðasvæða, snjóruðningsfólk, björgunarsveitarfólk, aðgerðarstjórnendur, þjálfarar snjóflóðahunda. Og svo lengi mætti telja.

Vorið 2023 komu saman fulltrúar frá Veðurstofunni, Vegagerðinni, Félagi Fjallaleiðsögumanna, Slysavarnarfélaginu Landsbjörg og Samtökum Skíðasvæða. Tilgangurinn var að stofna samtök með það markmið að búa til samráðsvettvang fyrir málefni tengd snjóflóðum. Fyrirmynd að slíkum samtökum kemur erlendis frá en Íslendingar hafa tekið þátt í öðrum landssamtökum s.s. Norsk Skredfaglig Forening, Canadian Avalanche Association og American Avalanche Association.

Þann 2. nóvember 2023 var haldin stofnfundur Snjóflóðasamtaka Íslands í fundarsal Veðurstofu Íslands.

Ef þú starfar við snjóflóð, hvort sem það er launað starf eða í sjálfboðavinnu og hefur áhuga á að taka þátt í ört vaxandi samfélagi smelltu þá á hlekkinn hér fyrir ofan til að sækja um aðild.